Psalmorum

Psalmus XCIX

  1. I

    Psalmus in confessione.

  2. II

    Jubilate Deo, omnis terra ; servite Domino in lætitia. Introite in conspectu ejus in exsultatione.

  3. III

    Scitote quoniam Dominus ipse est Deus ; ipse fecit nos, et non ipsi nos : populus ejus, et oves pascuæ ejus.

  4. IV

    Introite portas ejus in confessione ; atria ejus in hymnis : confitemini illi. Laudate nomen ejus,

  5. V

    quoniam suavis est Dominus, in æternum misericordia ejus, et usque in generationem et generationem veritas ejus.