Psalmorum

Psalmus C

  1. I

    Psalmus ipsi David. Misericordiam et judicium cantabo tibi, Domine ; psallam,

  2. II

    et intelligam in via immaculata : quando venies ad me ? Perambulabam in innocentia cordis mei, in medio domus meæ.

  3. III

    Non proponebam ante oculos meos rem injustam ; facientes prævaricationes odivi ; non adhæsit mihi

  4. IV

    cor pravum ; declinantem a me malignum non cognoscebam.

  5. V

    Detrahentem secreto proximo suo, hunc persequebar : superbo oculo, et insatiabili corde, cum hoc non edebam.

  6. VI

    Oculi mei ad fideles terræ, ut sedeant mecum ; ambulans in via immaculata, hic mihi ministrabat.

  7. VII

    Non habitabit in medio domus meæ qui facit superbiam ; qui loquitur iniqua non direxit in conspectu oculorum meorum.

  8. VIII

    In matutino interficiebam omnes peccatores terræ, ut disperderem de civitate Domini omnes operantes iniquitatem.