Psalmorum

Psalmus LIII

  1. I

    In finem, in carminibus. Intellectus David,

  2. II

    cum venissent Ziphæi, et dixissent ad Saul : Nonne David absconditus est apud nos ?

  3. III

    Deus, in nomine tuo salvum me fac, et in virtute tua judica me.

  4. IV

    Deus, exaudi orationem meam ; auribus percipe verba oris mei.

  5. V

    Quoniam alieni insurrexerunt adversum me, et fortes quæsierunt animam meam, et non proposuerunt Deum ante conspectum suum.

  6. VI

    Ecce enim Deus adjuvat me, et Dominus susceptor est animæ meæ.

  7. VII

    Averte mala inimicis meis ; et in veritate tua disperde illos.

  8. VIII

    Voluntarie sacrificabo tibi, et confitebor nomini tuo, Domine, quoniam bonum est.

  9. IX

    Quoniam ex omni tribulatione eripuisti me, et super inimicos meos despexit oculus meus.