Psalmorum

Psalmus III

  1. I

    Psalmus David, cum fugeret a facie Absalom filii sui.

  2. II

    Domine, quid multiplicati sunt qui tribulant me ? Multi insurgunt adversum me ;

  3. III

    multi dicunt animæ meæ : Non est salus ipsi in Deo ejus.

  4. IV

    Tu autem Domine, susceptor meus es, gloria mea, et exaltans caput meum.

  5. V

    Voce mea ad Dominum clamavi ; et exaudivit me de monte sancto suo.

  6. VI

    Ego dormivi, et soporatus sum ; et exsurrexi, quia Dominus suscepit me.

  7. VII

    Non timebo millia populi circumdantis me. Exsurge, Domine ; salvum me fac, Deus meus.

  8. VIII

    Quoniam tu percussisti omnes adversantes mihi sine causa ; dentes peccatorum contrivisti.

  9. IX

    Domini est salus ; et super populum tuum benedictio tua.