Psalmorum

Psalmus IV

  1. I

    In finem, in carminibus. Psalmus David.

  2. II

    Cum invocarem exaudivit me Deus justitiæ meæ, in tribulatione dilatasti mihi. Miserere mei, et exaudi orationem meam.

  3. III

    Filii hominum, usquequo gravi corde ? ut quid diligitis vanitatem, et quæritis mendacium ?

  4. IV

    Et scitote quoniam mirificavit Dominus sanctum suum ; Dominus exaudiet me cum clamavero ad eum.

  5. V

    Irascimini, et nolite peccare ; quæ dicitis in cordibus vestris, in cubilibus vestris compungimini.

  6. VI

    Sacrificate sacrificium justitiæ, et sperate in Domino. Multi dicunt : Quis ostendit nobis bona ?

  7. VII

    Signatum est super nos lumen vultus tui, Domine : dedisti lætitiam in corde meo.

  8. VIII

    A fructu frumenti, vini, et olei sui, multiplicati sunt.

  9. IX

    In pace in idipsum dormiam, et requiescam ;

  10. X

    quoniam tu, Domine, singulariter in spe constituisti me.