Psalmorum

Psalmus CXXVIII

  1. I

    Canticum graduum. Sæpe expugnaverunt me a juventute mea, dicat nunc Israël ;

  2. II

    sæpe expugnaverunt me a juventute mea : etenim non potuerunt mihi.

  3. III

    Supra dorsum meum fabricaverunt peccatores ; prolongaverunt iniquitatem suam.

  4. IV

    Dominus justus concidit cervices peccatorum.

  5. V

    Confundantur, et convertantur retrorsum omnes qui oderunt Sion.

  6. VI

    Fiant sicut fœnum tectorum, quod priusquam evellatur exaruit :

  7. VII

    de quo non implevit manum suam qui metit, et sinum suum qui manipulos colligit.

  8. VIII

    Et non dixerunt qui præteribant : Benedictio Domini super vos. Benediximus vobis in nomine Domini.