Psalmorum

Psalmus CXXVII

  1. I

    Canticum graduum. Beati omnes qui timent Dominum, qui ambulant in viis ejus.

  2. II

    Labores manuum tuarum quia manducabis : beatus es, et bene tibi erit.

  3. III

    Uxor tua sicut vitis abundans in lateribus domus tuæ ; filii tui sicut novellæ olivarum in circuitu mensæ tuæ.

  4. IV

    Ecce sic benedicetur homo qui timet Dominum.

  5. V

    Benedicat tibi Dominus ex Sion, et videas bona Jerusalem omnibus diebus vitæ tuæ.

  6. VI

    Et videas filios filiorum tuorum : pacem super Israël.