Psalmorum

Psalmus CXXIX

  1. I

    Canticum graduum. De profundis clamavi ad te, Domine ;

  2. II

    Domine, exaudi vocem meam. Fiant aures tuæ intendentes in vocem deprecationis meæ.

  3. III

    Si iniquitates observaveris, Domine, Domine, quis sustinebit ?

  4. IV

    Quia apud te propitiatio est ; et propter legem tuam sustinui te, Domine. Sustinuit anima mea in verbo ejus :

  5. V

    speravit anima mea in Domino.

  6. VI

    A custodia matutina usque ad noctem, speret Israël in Domino.

  7. VII

    Quia apud Dominum misericordia, et copiosa apud eum redemptio.

  8. VIII

    Et ipse redimet Israël ex omnibus iniquitatibus ejus.