Psalms

Chapter 126

  1. 1

    Canticum graduum Salomonis. Nisi Dominus ædificaverit domum, in vanum laboraverunt qui ædificant eam. Nisi Dominus custodierit civitatem, frustra vigilat qui custodit eam.

  2. 2

    Vanum est vobis ante lucem surgere : surgite postquam sederitis, qui manducatis panem doloris. Cum dederit dilectis suis somnum,

  3. 3

    ecce hæreditas Domini, filii ; merces, fructus ventris.

  4. 4

    Sicut sagittæ in manu potentis, ita filii excussorum.

  5. 5

    Beatus vir qui implevit desiderium suum ex ipsis : non confundetur cum loquetur inimicis suis in porta.