Psalmorum

Psalmus CXIX

  1. I

    Canticum graduum. Ad Dominum cum tribularer clamavi, et exaudivit me.

  2. II

    Domine, libera animam meam a labiis iniquis et a lingua dolosa.

  3. III

    Quid detur tibi, aut quid apponatur tibi ad linguam dolosam ?

  4. IV

    Sagittæ potentis acutæ, cum carbonibus desolatoriis.

  5. V

    Heu mihi, quia incolatus meus prolongatus est ! habitavi cum habitantibus Cedar ;

  6. VI

    multum incola fuit anima mea.

  7. VII

    Cum his qui oderunt pacem eram pacificus ; cum loquebar illis, impugnabant me gratis.