Psalmorum

Psalmus CXX

  1. I

    Canticum graduum. Levavi oculos meos in montes, unde veniet auxilium mihi.

  2. II

    Auxilium meum a Domino, qui fecit cælum et terram.

  3. III

    Non det in commotionem pedem tuum, neque dormitet qui custodit te.

  4. IV

    Ecce non dormitabit neque dormiet qui custodit Israël.

  5. V

    Dominus custodit te ; Dominus protectio tua super manum dexteram tuam.

  6. VI

    Per diem sol non uret te, neque luna per noctem.

  7. VII

    Dominus custodit te ab omni malo ; custodiat animam tuam Dominus.

  8. VIII

    Dominus custodiat introitum tuum et exitum tuum, ex hoc nunc et usque in sæculum.