Psalmorum

Psalmus CXIV

  1. I

    Alleluja. Dilexi, quoniam exaudiet Dominus vocem orationis meæ.

  2. II

    Quia inclinavit aurem suam mihi, et in diebus meis invocabo.

  3. III

    Circumdederunt me dolores mortis ; et pericula inferni invenerunt me. Tribulationem et dolorem inveni,

  4. IV

    et nomen Domini invocavi : o Domine, libera animam meam.

  5. V

    Misericors Dominus et justus, et Deus noster miseretur.

  6. VI

    Custodiens parvulos Dominus ; humiliatus sum, et liberavit me.

  7. VII

    Convertere, anima mea, in requiem tuam, quia Dominus benefecit tibi :

  8. VIII

    quia eripuit animam meam de morte, oculos meos a lacrimis, pedes meos a lapsu.

  9. IX

    Placebo Domino in regione vivorum.