Psalmorum

Psalmus CXV

  1. I

    Alleluja. Credidi, propter quod locutus sum ; ego autem humiliatus sum nimis.

  2. II

    Ego dixi in excessu meo : Omnis homo mendax.

  3. III

    Quid retribuam Domino pro omnibus quæ retribuit mihi ?

  4. IV

    Calicem salutaris accipiam, et nomen Domini invocabo.

  5. V

    Vota mea Domino reddam coram omni populo ejus.

  6. VI

    Pretiosa in conspectu Domini mors sanctorum ejus.

  7. VII

    O Domine, quia ego servus tuus ; ego servus tuus, et filius ancillæ tuæ. Dirupisti vincula mea :

  8. VIII

    tibi sacrificabo hostiam laudis, et nomen Domini invocabo.

  9. IX

    Vota mea Domino reddam in conspectu omnis populi ejus ;

  10. X

    in atriis domus Domini, in medio tui, Jerusalem.