Psalmorum

Psalmus CXII

  1. I

    Alleluja. Laudate, pueri, Dominum ; laudate nomen Domini.

  2. II

    Sit nomen Domini benedictum ex hoc nunc et usque in sæculum.

  3. III

    A solis ortu usque ad occasum laudabile nomen Domini.

  4. IV

    Excelsus super omnes gentes Dominus, et super cælos gloria ejus.

  5. V

    Quis sicut Dominus Deus noster, qui in altis habitat,

  6. VI

    et humilia respicit in cælo et in terra ?

  7. VII

    Suscitans a terra inopem, et de stercore erigens pauperem :

  8. VIII

    ut collocet eum cum principibus, cum principibus populi sui.

  9. IX

    Qui habitare facit sterilem in domo, matrem filiorum lætantem.