Psalmorum

Psalmus X

  1. I

    In finem. Psalmus David.

  2. II

    In Domino confido ; quomodo dicitis animæ meæ : Transmigra in montem sicut passer ?

  3. III

    Quoniam ecce peccatores intenderunt arcum ; paraverunt sagittas suas in pharetra, ut sagittent in obscuro rectos corde :

  4. IV

    quoniam quæ perfecisti destruxerunt ; justus autem, quid fecit ?

  5. V

    Dominus in templo sancto suo ; Dominus in cælo sedes ejus. Oculi ejus in pauperem respiciunt ; palpebræ ejus interrogant filios hominum.

  6. VI

    Dominus interrogat justum et impium ; qui autem diligit iniquitatem, odit animam suam.

  7. VII

    Pluet super peccatores laqueos ; ignis et sulphur, et spiritus procellarum, pars calicis eorum.

  8. VIII

    Quoniam justus Dominus, et justitias dilexit : æquitatem vidit vultus ejus.