Psalmorum

Psalmus XI

  1. I

    In finem, pro octava. Psalmus David.

  2. II

    Salvum me fac, Domine, quoniam defecit sanctus, quoniam diminutæ sunt veritates a filiis hominum.

  3. III

    Vana locuti sunt unusquisque ad proximum suum ; labia dolosa, in corde et corde locuti sunt.

  4. IV

    Disperdat Dominus universa labia dolosa, et linguam magniloquam.

  5. V

    Qui dixerunt : Linguam nostram magnificabimus ; labia nostra a nobis sunt. Quis noster dominus est ?

  6. VI

    Propter miseriam inopum, et gemitum pauperum, nunc exsurgam, dicit Dominus. Ponam in salutari ; fiducialiter agam in eo.

  7. VII

    Eloquia Domini, eloquia casta ; argentum igne examinatum, probatum terræ, purgatum septuplum.

  8. VIII

    Tu, Domine, servabis nos, et custodies nos a generatione hac in æternum.

  9. IX

    In circuitu impii ambulant : secundum altitudinem tuam multiplicasti filios hominum.