Genesis

Caput X

  1. I

    Hæ sunt generationes filiorum Noë, Sem, Cham et Japheth : natique sunt eis filii post diluvium.

  2. II

    Filii Japheth : Gomer, et Magog, et Madai, et Javan, et Thubal, et Mosoch, et Thiras.

  3. III

    Porro filii Gomer : Ascenez et Riphath et Thogorma.

  4. IV

    Filii autem Javan : Elisa et Tharsis, Cetthim et Dodanim.

  5. V

    Ab his divisæ sunt insulæ gentium in regionibus suis, unusquisque secundum linguam suam et familias suas in nationibus suis.

  6. VI

    Filii autem Cham : Chus, et Mesraim, et Phuth, et Chanaan.

  7. VII

    Filii Chus : Saba, et Hevila, et Sabatha, et Regma, et Sabatacha. Filii Regma : Saba et Dadan.

  8. VIII

    Porro Chus genuit Nemrod : ipse cœpit esse potens in terra,

  9. IX

    et erat robustus venator coram Domino. Ob hoc exivit proverbium : Quasi Nemrod robustus venator coram Domino.

  10. X

    Fuit autem principium regni ejus Babylon, et Arach et Achad, et Chalanne, in terra Sennaar.

  11. XI

    De terra illa egressus est Assur, et ædificavit Niniven, et plateas civitatis, et Chale.

  12. XII

    Resen quoque inter Niniven et Chale : hæc est civitas magna.

  13. XIII

    At vero Mesraim genuit Ludim, et Anamim et Laabim, Nephthuim,

  14. XIV

    et Phetrusim, et Chasluim : de quibus egressi sunt Philisthiim et Caphtorim.

  15. XV

    Chanaan autem genuit Sidonem primogenitum suum. Hethæum,

  16. XVI

    et Jebusæum, et Amorrhæum, Gergesæum,

  17. XVII

    Hevæum, et Aracæum : Sinæum,

  18. XVIII

    et Aradium, Samaræum, et Amathæum : et post hæc disseminati sunt populi Chananæorum.

  19. XIX

    Factique sunt termini Chanaan venientibus a Sidone Geraram usque Gazam, donec ingrediaris Sodomam et Gomorrham, et Adamam, et Seboim usque Lesa.

  20. XX

    Hi sunt filii Cham in cognationibus, et linguis, et generationibus, terrisque et gentibus suis.

  21. XXI

    De Sem quoque nati sunt, patre omnium filiorum Heber, fratre Japheth majore.

  22. XXII

    Filii Sem : Ælam, et Assur, et Arphaxad, et Lud, et Aram.

  23. XXIII

    Filii Aram : Us, et Hul, et Gether, et Mes.

  24. XXIV

    At vero Arphaxad genuit Sale, de quo ortus est Heber.

  25. XXV

    Natique sunt Heber filii duo : nomen uni Phaleg, eo quod in diebus ejus divisa sit terra : et nomen fratris ejus Jectan.

  26. XXVI

    Qui Jectan genuit Elmodad, et Saleph, et Asarmoth, Jare,

  27. XXVII

    et Aduram, et Uzal, et Decla,

  28. XXVIII

    et Ebal, et Abimaël, Saba,

  29. XXIX

    et Ophir, et Hevila, et Jobab : omnes isti, filii Jectan.

  30. XXX

    Et facta est habitatio eorum de Messa pergentibus usque Sephar montem orientalem.

  31. XXXI

    Isti filii Sem secundum cognationes, et linguas, et regiones in gentibus suis.

  32. XXXII

    Hæ familiæ Noë juxta populos et nationes suas. Ab his divisæ sunt gentes in terra post diluvium.