Psalms

Chapter 92

  1. 1

    Laus cantici ipsi David, in die ante sabbatum, quando fundata est terra. Dominus regnavit, decorem indutus est : indutus est Dominus fortitudinem, et præcinxit se. Etenim firmavit orbem terræ, qui non commovebitur.

  2. 2

    Parata sedes tua ex tunc ; a sæculo tu es.

  3. 3

    Elevaverunt flumina, Domine, elevaverunt flumina vocem suam ; elevaverunt flumina fluctus suos,

  4. 4

    a vocibus aquarum multarum. Mirabiles elationes maris ; mirabilis in altis Dominus.

  5. 5

    Testimonia tua credibilia facta sunt nimis ; domum tuam decet sanctitudo, Domine, in longitudinem dierum.