Psalmorum

Psalmus XXV

  1. I

    In finem. Psalmus David. Judica me, Domine, quoniam ego in innocentia mea ingressus sum, et in Domino sperans non infirmabor.

  2. II

    Proba me, Domine, et tenta me ; ure renes meos et cor meum.

  3. III

    Quoniam misericordia tua ante oculos meos est, et complacui in veritate tua.

  4. IV

    Non sedi cum concilio vanitatis, et cum iniqua gerentibus non introibo.

  5. V

    Odivi ecclesiam malignantium, et cum impiis non sedebo.

  6. VI

    Lavabo inter innocentes manus meas, et circumdabo altare tuum, Domine :

  7. VII

    ut audiam vocem laudis, et enarrem universa mirabilia tua.

  8. VIII

    Domine, dilexi decorem domus tuæ, et locum habitationis gloriæ tuæ.

  9. IX

    Ne perdas cum impiis, Deus, animam meam, et cum viris sanguinum vitam meam :

  10. X

    in quorum manibus iniquitates sunt ; dextera eorum repleta est muneribus.

  11. XI

    Ego autem in innocentia mea ingressus sum ; redime me, et miserere mei.

  12. XII

    Pes meus stetit in directo ; in ecclesiis benedicam te, Domine.