Psalmorum

Psalmus CL

  1. I

    Alleluja. Laudate Dominum in sanctis ejus ; laudate eum in firmamento virtutis ejus.

  2. II

    Laudate eum in virtutibus ejus ; laudate eum secundum multitudinem magnitudinis ejus.

  3. III

    Laudate eum in sono tubæ ; laudate eum in psalterio et cithara.

  4. IV

    Laudate eum in tympano et choro ; laudate eum in chordis et organo.

  5. V

    Laudate eum in cymbalis benesonantibus ; laudate eum in cymbalis jubilationis.

  6. VI

    Omnis spiritus laudet Dominum ! Alleluja.