Psalmorum

Psalmus CXLVII

  1. I

    Alleluja. Lauda, Jerusalem, Dominum ; lauda Deum tuum, Sion.

  2. II

    Quoniam confortavit seras portarum tuarum ; benedixit filiis tuis in te.

  3. III

    Qui posuit fines tuos pacem, et adipe frumenti satiat te.

  4. IV

    Qui emittit eloquium suum terræ : velociter currit sermo ejus.

  5. V

    Qui dat nivem sicut lanam ; nebulam sicut cinerem spargit.

  6. VI

    Mittit crystallum suam sicut buccellas : ante faciem frigoris ejus quis sustinebit ?

  7. VII

    Emittet verbum suum, et liquefaciet ea ; flabit spiritus ejus, et fluent aquæ.

  8. VIII

    Qui annuntiat verbum suum Jacob, justitias et judicia sua Israël.

  9. IX

    Non fecit taliter omni nationi, et judicia sua non manifestavit eis. Alleluja.