ad Romanos

Caput XVI

  1. I

    Commendo autem vobis Phœben sororem nostram, quæ est in ministerio ecclesiæ, quæ est in Cenchris :

  2. II

    ut eam suscipiatis in Domino digne sanctis : et assistatis ei in quocumque negotio vestri indiguerit : etenim ipsa quoque astitit multis, et mihi ipsi.

  3. III

    Salutate Priscam et Aquilam, adjutores meos in Christo Jesu

  4. IV

    (qui pro anima mea suas cervices supposuerunt : quibus non solus ego gratias ago, sed et cunctæ ecclesiæ gentium),

  5. V

    et domesticam ecclesiam eorum. Salutate Epænetum dilectum mihi, qui est primitivus Asiæ in Christo.

  6. VI

    Salutate Mariam, quæ multum laboravit in vobis.

  7. VII

    Salutate Andronicum et Juniam, cognatos, et concaptivos meos : qui sunt nobiles in Apostolis, qui et ante me fuerunt in Christo.

  8. VIII

    Salutate Ampliatum dilectissimum mihi in Domino.

  9. IX

    Salutate Urbanum adjutorem nostrum in Christo Jesu, et Stachyn dilectum meum.

  10. X

    Salutate Apellen probum in Christo.

  11. XI

    Salutate eos qui sunt ex Aristoboli domo. Salutate Herodionem cognatum meum. Salutate eos qui sunt ex Narcissi domo, qui sunt in Domino.

  12. XII

    Salutate Tryphænam et Tryphosam, quæ laborant in Domino. Salutate Persidem carissimam, quæ multum laboravit in Domino.

  13. XIII

    Salutate Rufum electum in Domino, et matrem ejus, et meam.

  14. XIV

    Salutate Asyncritum, Phlegontem, Hermam, Patrobam, Hermen, et qui cum eis sunt, fratres.

  15. XV

    Salutate Philologum et Juliam, Nereum, et sororem ejus, et Olympiadem, et omnes qui cum eis sunt, sanctos.

  16. XVI

    Salutate invicem in osculo sancto. Salutant vos omnes ecclesiæ Christi.

  17. XVII

    Rogo autem vos fratres, ut observetis eos qui dissensiones et offendicula, præter doctrinam, quam vos didicistis, faciunt, et declinate ab illis.

  18. XVIII

    Hujuscemodi enim Christo Domino nostro non serviunt, sed suo ventri : et per dulces sermones et benedictiones seducunt corda innocentium.

  19. XIX

    Vestra enim obedientia in omnem locum divulgata est. Gaudeo igitur in vobis. Sed volo vos sapientes esse in bono, et simplices in malo.

  20. XX

    Deus autem pacis conterat Satanam sub pedibus vestris velociter. Gratia Domini nostri Jesu Christi vobiscum.

  21. XXI

    Salutat vos Timotheus adjutor meus, et Lucius, et Jason, et Sosipater cognati mei.

  22. XXII

    Saluto vos ego Tertius, qui scripsi epistolam, in Domino.

  23. XXIII

    Salutat vos Cajus hospes meus, et universa ecclesia. Salutat vos Erastus arcarius civitatis, et Quartus, frater.

  24. XXIV

    Gratia Domini nostri Jesu Christi cum omnibus vobis. Amen.

  25. XXV

    Ei autem, qui potens est vos confirmare juxta Evangelium meum, et prædicationem Jesu Christi, secundum revelationem mysterii temporibus æternis taciti

  26. XXVI

    (quod nunc patefactum est per Scripturas prophetarum secundum præceptum æterni Dei, ad obeditionem fidei), in cunctis gentibus cogniti,

  27. XXVII

    soli sapienti Deo, per Jesum Christum, cui honor et gloria in sæcula sæculorum. Amen.