Psalms

Chapter 86

  1. 1

    Filiis Core. Psalmus cantici. Fundamenta ejus in montibus sanctis ;

  2. 2

    diligit Dominus portas Sion super omnia tabernacula Jacob.

  3. 3

    Gloriosa dicta sunt de te, civitas Dei !

  4. 4

    Memor ero Rahab et Babylonis, scientium me ; ecce alienigenæ, et Tyrus, et populus Æthiopum, hi fuerunt illic.

  5. 5

    Numquid Sion dicet : Homo et homo natus est in ea, et ipse fundavit eam Altissimus ?

  6. 6

    Dominus narrabit in scripturis populorum et principum, horum qui fuerunt in ea.

  7. 7

    Sicut lætantium omnium habitatio est in te.