Psalmorum

Psalmus LXVI

  1. I

    In finem, in hymnis. Psalmus cantici David.

  2. II

    Deus misereatur nostri, et benedicat nobis ; illuminet vultum suum super nos, et misereatur nostri :

  3. III

    ut cognoscamus in terra viam tuam, in omnibus gentibus salutare tuum.

  4. IV

    Confiteantur tibi populi, Deus : confiteantur tibi populi omnes.

  5. V

    Lætentur et exsultent gentes, quoniam judicas populos in æquitate, et gentes in terra dirigis.

  6. VI

    Confiteantur tibi populi, Deus : confiteantur tibi populi omnes.

  7. VII

    Terra dedit fructum suum : benedicat nos Deus, Deus noster !

  8. VIII

    Benedicat nos Deus, et metuant eum omnes fines terræ.