Psalmorum

Psalmus XIX

  1. I

    In finem. Psalmus David.

  2. II

    Exaudiat te Dominus in die tribulationis ; protegat te nomen Dei Jacob.

  3. III

    Mittat tibi auxilium de sancto, et de Sion tueatur te.

  4. IV

    Memor sit omnis sacrificii tui, et holocaustum tuum pingue fiat.

  5. V

    Tribuat tibi secundum cor tuum, et omne consilium tuum confirmet.

  6. VI

    Lætabimur in salutari tuo ; et in nomine Dei nostri magnificabimur.

  7. VII

    Impleat Dominus omnes petitiones tuas ; nunc cognovi quoniam salvum fecit Dominus christum suum. Exaudiet illum de cælo sancto suo, in potentatibus salus dexteræ ejus.

  8. VIII

    Hi in curribus, et hi in equis ; nos autem in nomine Domini Dei nostri invocabimus.

  9. IX

    Ipsi obligati sunt, et ceciderunt ; nos autem surreximus, et erecti sumus.

  10. X

    Domine, salvum fac regem, et exaudi nos in die qua invocaverimus te.