Psalmorum

Psalmus CXLV

  1. I

    Alleluja, Aggæi et Zachariæ.

  2. II

    Lauda, anima mea, Dominum. Laudabo Dominum in vita mea ; psallam Deo meo quamdiu fuero. Nolite confidere in principibus,

  3. III

    in filiis hominum, in quibus non est salus.

  4. IV

    Exibit spiritus ejus, et revertetur in terram suam ; in illa die peribunt omnes cogitationes eorum.

  5. V

    Beatus cujus Deus Jacob adjutor ejus, spes ejus in Domino Deo ipsius :

  6. VI

    qui fecit cælum et terram, mare, et omnia quæ in eis sunt.

  7. VII

    Qui custodit veritatem in sæculum ; facit judicium injuriam patientibus ; dat escam esurientibus. Dominus solvit compeditos ;

  8. VIII

    Dominus illuminat cæcos. Dominus erigit elisos ; Dominus diligit justos.

  9. IX

    Dominus custodit advenas, pupillum et viduam suscipiet, et vias peccatorum disperdet.

  10. X

    Regnabit Dominus in sæcula ; Deus tuus, Sion, in generationem et generationem.