Psalmorum

Psalmus CXXII

  1. I

    Canticum graduum. Ad te levavi oculos meos, qui habitas in cælis.

  2. II

    Ecce sicut oculi servorum in manibus dominorum suorum ; sicut oculi ancillæ in manibus dominæ suæ : ita oculi nostri ad Dominum Deum nostrum, donec misereatur nostri.

  3. III

    Miserere nostri, Domine, miserere nostri, quia multum repleti sumus despectione ;

  4. IV

    quia multum repleta est anima nostra opprobrium abundantibus, et despectio superbis.